Билік оның орнына мердігер — «Қазақдорстрой» ЖШС қаланың басқа аудандарында өтемақы ретінде ағаш отырғызатынын уәде етіп отыр. Алдын ала мәлімет бойынша, кесілген әр ағаштың орнына 10 көшет егіледі. Бұл туралы Umarovnews басылымына Орал қаласы әкімінің орынбасары Азамат Халелов мәлімдеді.

«“Ақжайық” шағын ауданын қаланың ескі бөлігімен жалғайтын Шаған өзені арқылы өтетін көпір құрылысы аясында 1000-нан астам өсіп тұрған жабайы ағаш кесіледі, — деді Азамат Халелов. — Бұл ретте жобада кесілген ағаштардың орнына өтемақы ретінде жаңасын отырғызу көзделген. Біз 1:10 өтемақы нұсқасын қарастырып жатырмыз: мердігер әр кесілген ағаштың орнына 10 ағаштан отырғызуы тиіс (қаланың нақты қай аудандарында екені әзірге белгісіз, бірақ Шаған жағалауында жаңа орман алқабы міндетті түрде пайда болады)».

Қазіргі уақытта қоғам белсенділерін мына сұрақ мазалайды: Шаған арқылы өтетін көпір құрылысының жобасы 11 жыл ішінде неліктен 3 еседен астам қымбаттап, 11 миллиардтан 35,8 миллиард теңгеге дейін өсті?

Қала әкімінің орынбасары бұрынғы жобада тек көпірдің өзін салу құны ғана есептелгенін (ұзындығы 400 метрге дейін) түсіндірді. Ал құны 35 миллиард теңге болатын жаңа жобада көпірдің екі жағынан келетін кірме жолдың құрылысы (ұзындығы шамамен 4 шақырым), сондай-ақ жағалауды бекіту жұмыстары ескерілген. Бұдан бөлек, жаңа жоба бойынша көпірдің жүру бөлігі кеңейтілді — ол енді екі жолақты емес, төрт жолақты болады.

Людмила Калашникова