Бүгін, 2025 жылғы 19 мамырда, ҚР ТЖМ «Қазавиақұтқару» әуе кемесі Бурлы ауданының Аксай қаласына санитарлық рейс жасап, алдыңғы күні дүниеге келген нәрестені шұғыл түрде жеткізу үшін ұшып шықты.

БҚО ТЖД мәліметінше, жаңа туған сәби ауыр жағдайда болғандықтан, оны Орал қаласындағы облыстық көпбейінді балалар ауруханасына шұғыл түрде жатқызу қажет болды.

Уақыттың әр секунды маңызды болғандықтан, БҚО ТЖД басшылығы мен облыстық денсаулық сақтау басқармасы тікұшақты аурухана аумағына қондыру туралы шешім қабылдады.

— ТЖМ ұшқыштарының жоғары кәсібилігінің арқасында тасымалдау сәтті өтті. «Сәби мен анасы дін аман дәрігерлерге табысталды», — деп хабарлады БҚО ТЖД.

Талғат Омар