Бүгін, 2024 жылдың 1 ақпанында сағат 11.38-де Солтүстік-Шығыс шағын ауданында орналасқан «Сәби» балабақшасынан 4 бала мен тәрбиешінің үстіне шкаф құлап кеткені туралы жедел жәрдем шақырту түсті. Дәрігерлер 2018 жылы туған төрт қызды облыстық көп бейінді балалар ауруханасына жатқызды. Мұғалімге де медициналық көмек көрсетілді.

Батыс Қазақстан денсаулық сақтау басқармасының баспасөз қызметі хабарлағандай, зардап шеккен балалар келесідей жарақаттар алған: кеуде-бел аймағының жұмсақ тіндерінің көгеруі, оң қол мен білек бөлігінің көгеруі, оң жақ білек жұмсақ тіндерінің көгеруі.

- Барлық балалардың жағдайы қанағаттанарлық, оларға амбулаторлық ем тағайындалып, ұсыныспен үйлеріне жіберілді. 44 жастағы әйел төменгі аяқ-қолының жұмсақ тіндерінің көгеруін алған. Оған амбулаторлық бақылау да тағайындалды, деп хабарлады Батыс Қазақстан денсаулық сақтау басқармасынан.

БҚО ІІД баспасөз қызметі қазір балабақшадағы полицейлер төтенше жағдайдың барлық мән-жайын анықтап жатқанын хабарлады.

Талғат Омар