Бүгін, 2026 жылғы 22 маусымда, шамамен сағат 11:40-та Орал қаласының орталығында полиция қызметкерлері Лұқпан Ахмедьяров тізгіндеген автокөлікті тоқтатты. Қазіргі уақытта (сағат 12:10) ол медициналық куәландыруға апарылады, содан кейін полицейлер оны Абай полиция бөліміне немесе бірден БҚО Полиция департаментіне жеткізбекші. Бұл ақпаратты журналист ұсталған сәтінде хабарлады.

Оның айтуынша, ұстауға «Ресей Федерациясы тарапынан қозғалған қандай да бір қылмыстық іс» негіз болған.

Журналист Лұқпан Ахмедьяров белсенді құқық қорғау қызметі үшін бірнеше рет қамауға алынған болатын. 2012 жылы оның өміріне қастандық жасалды. Дәл соның алдында халықаралық «Шекарасыз тілшілер» ұйымы оған баспасөз бостандығына адалдығы мен батылдығы үшін Питер Маклер атындағы сыйлықты табыс еткен еді.

Қазіргі уақытта Лұқпан Ахмедьяров «Просто журналистика» YouTube-арнасында тәуелсіз зерттеулер жүргізуді және деректі жобаларды шығаруды жалғастыруда.

Талгат Умаров