2025 жылдың 3 қазанында Орал қалалық мәдениет және демалыс саябағында ағаштар кесіле бастады. Мұны байқаған қала тұрғындары наразылық білдіріп, болған жағдайды видеоға түсіре бастады. Кадрлар әлеуметтік желілерде тез тарады. Саябақ әкімшілігі бұл жұмыстар санитарлық тазарту аясында жүргізіліп жатқанын түсіндірді: ескі діңдерді, құрғақ және ауру ағаштарды алып тастап жатыр.

Алайда кей тұрғындар бұл аумақты болашақ бизнес нысанына дайындап жатыр деген болжам айтады.

Бүгін, 6 қазанда, біз бұл жерді жоғарыдан дрон арқылы түсіріп, аумақтың қазіргі күйін көрсетуді жөн көрдік.
Оралдағы мәдениет және демалыс саябағы 1840 жылы негізі қаланған, бұл оны Қазақстандағы ең көне саябақтардың бірі етеді. Көптеген оралдықтар мұнда балалық шақтарын өткізгенін жылы естелікпен айтады. Сол себепті саябақтағы кез келген өзгеріс тұрғындардың ерекше назарын және алаңдаушылығын тудырады.

Сіз қалай ойлайсыз — бұл расымен санитарлық тазарту ма, әлде басқа мақсат бар ма?

Талғат Омар