2025 жылғы 30 шілдеде таңғы сағат 5 шамасында «Toyota Mark» көлігінің жүргізушісі Орал қаласының басты даңғылымен 167 км/сағ жылдамдықпен жүрген.

Жүргізуші бұл әрекетін өзі видеоға түсіріп, әлеуметтік желілерде жариялаған. Желі мониторингі барысында полицейлер оны анықтады. Ол – 31 жастағы Орал тұрғыны болып шықты.

БҚО ПД баспасөз қызметінің мәліметінше, құқық бұзушыға қатысты бірнеше әкімшілік хаттама толтырылды. Оның жазасын сот шешеді. Көлік арнайы тұраққа қойылды.

— Құрметті жүргізушілер! Полиция жол жүру ережелерін қатаң сақтауды ескертеді. Бейқамдықтың құны — өмір, — деп мәлімдеді полиция өкілдері.

Талғат Омар