Ол митингке шақыру туралы Facebook жазбасында белгіленді. Белсенді қыздың өзі басылымға еш қатысы жоқ екенін мәлімдеді.

Кеше, 14 желтоқсанда әкімшілік соттың судьясы Ернар Халықов белсенді Мару Ескендірованы ҚР ӘҚБтК-нің 488-бабы «Республика заңнамасында белгіленген тәртіпті бұза отырып өткізілген митингілер ұйымдастыру және (немесе) өткізу» бойынша кінәлі деп таныды. Әкімшілік жаза қолданылғаннан кейін бір жыл ішінде тағы да Қазақстан Республикасының заңнамасына сәйкес жауапкершілікке тартылған.

Әкімшілік істің қозғалуына әлеуметтік желіде Ескендірованы митингке шығуға шақырды деген ақпарат себеп болған.

Сот залында Ескендірова басылымға сілтеме жасалған Facebook аккаунтын 2 жылдан астам пайдаланбағанын айтты.

Сот барысында Ескендірова шектеуде болғандықтан митингке шығуға ниеті жоқ екенін айтты.

- Өзім шықпасам, неге біреуге хабарласамын? – деді Ескендірова.

Белсенділердің барлық уәжіне қарамастан судья Ернар Халықов Ескендірованы 25 тәулікке қамауға алу туралы шешім қабылдады.

Талғат Омар